ପାକିସ୍ତାନକୁ ବିଶ୍ୱର ସ୍ପଷ୍ଟ ବାର୍ତ୍ତା, ଚୀନ୍‌ର ଗୋଡ଼ାଣିଆ ବନ୍ଦ କର ନଚେତ୍ ପରିଣାମ ଭୋଗିବ

ସାମ୍ରାଜ୍ୟବାଦୀ ତଥା ସ୍ୱାର୍ଥପର ମନୋଭାବ ଯୋଗୁଁ ଚୀନ୍ ସମଗ୍ର ବିଶ୍ୱର ଶତ୍ରୁ ପାଲଟିଛି । ଏଭଳି ପରିସ୍ଥିତିରେ ବର୍ତ୍ତମାନ ଚୀନ୍‌କୁ ସମର୍ଥନ କରୁଥିବା ଦେଶଗୁଡ଼ିକ ଉପରେ ବିଶ୍ୱ ବିଚ୍ଛିନ୍ନ ହେବାର ଆଶଙ୍କା ଆରମ୍ଭ ହୋଇଛି । ଚୀନ୍‌ର ଗୃହପାଳିତ ପାକିସ୍ଥାନରେ ମଧ୍ୟ ସମାନ ପରିସ୍ଥିତି ଦେଖିବାକୁ ମିଳିଛି । ଯେତେବେଳେ ପାକିସ୍ତାନ ପ୍ରତ୍ୟେକ ପ୍ରସଙ୍ଗରେ ଚୀନ୍‌କୁ ସମର୍ଥନ କରୁଥିବା ପରି ମନେହୁଏ, ସେତେବେଳେ ବିଶ୍ୱର ଅଧିକାଂଶ ଦେଶ ପାକିସ୍ତାନର ରାଷ୍ଟ୍ରାୟତ୍ତ ଏୟାରଲାଇନ୍ସ ପାକିସ୍ତାନ ଇଣ୍ଟରନ୍ୟାସନାଲ ଏୟାରଲାଇନ୍ସକୁ ନିଷେଧ କରିବା ଆରମ୍ଭ କରି ଦେଇଛନ୍ତି । ୟୁରୋପ ପରେ ଆମେରିକା ବର୍ତ୍ତମାନ ପାକିସ୍ତାନୀ ପାଇଲଟ ଏବଂ ପିଏଆଇ ଉପରେ ପ୍ରତିବନ୍ଧକ ଲଗାଇଛି । ଏହି ପଦକ୍ଷେପ ମାଧ୍ୟମରେ ବିଶ୍ୱ ମଧ୍ୟ ପାକିସ୍ତାନକୁ ଏକ ବାର୍ତ୍ତା ଦେଇଛି ଯେ ଯଦି ଏହିପରି ପ୍ରତ୍ୟେକ ପ୍ରସଙ୍ଗରେ ଚୀନ୍‌କୁ ସମର୍ଥନ କରିବା ବନ୍ଦ ନକରେ, ତେବେ ପାକିସ୍ତାନ  ଆହୁରି ଅନେକ ଅସୁବିଧାର ସମ୍ମୁଖୀନ ହୋଇପାରେ ।

୯/୧୧ ଆକ୍ରମଣ ପୂର୍ବରୁ ପାକିସ୍ତାନ ଆମେରିକାର ଘନିଷ୍ଠ ସହଯୋଗୀ ଥିଲା । ବର୍ଷ ବର୍ଷ ଧରି ଆଫଗାନିସ୍ତାନରେ ରୁଷର ପ୍ରଭାବ ହ୍ରାସ କରିବାକୁ ଆମେରିକା ପାକିସ୍ତାନକୁ ବ୍ୟବହାର କରିଥିଲା । ତେବେ ବିଗତ ଏକ ଦଶନ୍ଧି ମଧ୍ୟରେ ଆମେରିକାର ବୈଦେଶିକ ନୀତିର କେନ୍ଦ୍ରବିନ୍ଦୁରେ ପାକିସ୍ତାନ ଅଦୃଶ୍ୟ ହୋଇଯାଇଛି । ସମାନ କଥା ବର୍ତ୍ତମାନ ୟୁରୋପୀୟ ଫାଉଣ୍ଡେସନ୍ ଫର ସାଉଥ୍ ଏସିଆନ୍ ଷ୍ଟଡ଼ିଜ୍ ଯଥା ଇଏଫଏସଏଏସ ଦ୍ୱାରା କୁହାଯାଇଛି । ଏହି ୟୁରୋପୀୟ ଥିଙ୍କ ଟ୍ୟାଙ୍କ ଅନୁଯାୟୀ, “ପୂର୍ବ ବର୍ଷମାନଙ୍କରେ ଆମେରିକୀୟ ପ୍ରଶାସନ ପାଇଁ ପାକିସ୍ତାନ ଯେପରି ଆବଶ୍ୟକ ଥିଲା, ବର୍ତ୍ତମାନ ଟ୍ରମ୍ପ ପ୍ରଶାସନ ସମୟରେ ତାହା ନୁହେଁ । ବର୍ତ୍ତମାନ ଟ୍ରମ୍ପ ପ୍ରଶାସନର ଡ୍ରାଗନକୁ ଏକ ଶିକ୍ଷା ଦେବାକୁ ସମ୍ପୂର୍ଣ୍ଣ ଧ୍ୟାନ ହେଉଛି ଏବଂ ପାକିସ୍ତାନ ସହ ସହଯୋଗ କରିବାକୁ ଆମେରିକାର ଆଗ୍ରହ ନାହିଁ ।”

ଯେତେବେଳେ ସମଗ୍ର ବିଶ୍ୱର ଦେଶମାନେ ଚୀନ୍‌କୁ ଶିକ୍ଷା ଦେବା ପାଇଁ ଚୀନ୍ ଆଡ଼କୁ ଅସ୍ତ୍ରଶସ୍ତ୍ର ଲଗାଇ ଛିଡ଼ା ହୋଇଛନ୍ତି, ସେହି ସମୟରେ ପାକିସ୍ତାନ ଏହାର “ବନ୍ଧୁ” ଚୀନର ହାତ ଧରି ଠିଆ ହୋଇଛି । ପାକିସ୍ତାନକୁ ଏହାର ଭୟଙ୍କର ପରିଣାମର ସାମ୍ନା କରିବାକୁ ପଡ଼ିପାରେ । ଏହି କାରଣରୁ ପାକିସ୍ତାନୀ ବୈଦେଶିକ ମନ୍ତ୍ରାଳୟର ଅଧିକାରୀମାନେ ଇମ୍ରାନ ଖାନଙ୍କୁ ଚେତାବନୀ ଦେଇଛନ୍ତି ଯେ ଯଦି ପାକିସ୍ତାନ ଏଭଳି ପ୍ରତ୍ୟେକ ପ୍ରସଙ୍ଗରେ ଚୀନ୍‌କୁ ସମର୍ଥନ ଜାରି ରଖେ, ତା’ହେଲେ ଖୁବ୍ ଶୀଘ୍ର ସମଗ୍ର ବିଶ୍ୱର କ୍ରୋଧର ଶିକାର ହେବାକୁ ପଡ଼ିବ ।

ସୂଚନାଯୋଗ୍ୟ ଯେ ହଂକଂ ପ୍ରସଙ୍ଗଠାରୁ ଆରମ୍ଭ କରି ଲଦାଖରେ ଭାରତ-ଚୀନ୍ ବିବାଦ ପ୍ରସଙ୍ଗ ପର୍ଯ୍ୟନ୍ତ ପାକିସ୍ତାନ ଖୋଲାଖୋଲିଭାବେ ଚୀନ୍‌କୁ ସମର୍ଥନ କରିଛି। ଏପରିକି ପାକିସ୍ତାନ ମଧ୍ୟ ଜଣେ ବିଶ୍ୱସ୍ତ ଦାସଙ୍କ ପରି ଭାରତ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ନିଜର ସାମରିକ ବେସକୁ ଚୀନ୍‌କୁ ହସ୍ତାନ୍ତର କରିବାକୁ ରାଜି ହୋଇଥିଲା । ଚୀନ୍‌ର ଆଦେଶ ଅନୁଯାୟୀ ପାକିସ୍ତାନ ଭାରତ ଉପରେ ଚାପ ପକାଇବା ପାଇଁ ଗିଲଗିଟ-ବାଲ୍ଟିସ୍ତାନର ଭାରତ-ପାକ୍ ସୀମାରେ ୨୦ ହଜାର ସୈନ୍ୟ ମୁତୟନ କରିଛି ।

କେବଳ ଏତିକି ନୁହେଁ, ଭାରତକୁ ଅସ୍ଥିର କରିବା ପାଇଁ ଚୀନ୍ ପାକିସ୍ତାନୀ ଆତଙ୍କବାଦୀଙ୍କ ନିକଟକୁ ଯାଇପାରେ ବୋଲି ମଧ୍ୟ ଖବର ଆସିଛି । ଏଭଳି ପରିସ୍ଥିତିରେ ଯେତେବେଳେ ପାକିସ୍ତାନ ପ୍ରତ୍ୟେକ ଅପରାଧରେ ଚୀନ୍‌କୁ ଖୋଲାଖୋଲିଭାବେ ସମର୍ଥନ କରୁଛି, ସେତେବେଳେ ଦଣ୍ଡ ମଧ୍ୟ ଉଭୟଙ୍କୁ ସମାନ ଭାବରେ ମିଳିବାକୁ ଯାଉଛି । ପାକିସ୍ତାନୀ ଏୟାରଲାଇନ୍ସକୁ ନିଷେଧ କରି ବିଶ୍ୱ ଏହା ସୂଚିତ କରିସାରିଛି ।

ଆତଙ୍କବାଦୀ ଗତିବିଧି ତଥା ଆତଙ୍କବାଦୀ ଦେଶ ଭାବରେ ବିଶ୍ୱବାସୀଙ୍କ ସାମ୍ନାରେ ପାକିସ୍ତାନ ନିଜର ବିଶ୍ୱସନୀୟତା ହରାଇ ସାରିଛି । ସେ ପ୍ରତ୍ୟେକ ପ୍ରସଙ୍ଗରେ ଚୀନ୍‌ର ପକ୍ଷକୁ ସମର୍ଥନ କରି କାର୍ଯ୍ୟ କରୁଛି, ଯାହାପରେ ପାକିସ୍ତାନ ସମଗ୍ର ବିଶ୍ୱର ଟାର୍ଗେଟରେ ଆସିଛି । ଯଦି ପାକିସ୍ତାନ ଅନୁଭବ କରେ ଯେ ଯୁଦ୍ଧ ସମୟରେ ଚୀନ୍ ଏହାକୁ ରକ୍ଷା କରିବା ପାଇଁ ଆସିବ, ତେବେ ଏହା ପାକିସ୍ତାନର ସବୁଠାରୁ ବଡ଼ ଭୁଲ ହେବ।  କାରଣ ଚୀନ୍‌ ଉପରେ ଆକ୍ରମଣ କରିବା ପାଇଁ ଆମେରିକା ପିସ୍ତଲ ଧରି ଠିଆ ହୋଇଛି । ଏଭଳି ପରିସ୍ଥିତିରେ ଯଦି ପାକିସ୍ତାନ ନିଜର ଅସ୍ତିତ୍ୱକୁ ବଞ୍ଚାଇବାକୁ ଚାହୁଁଛି, ତେବେ ଚୀନ୍‌ର ଅଇଁଠା ପତ୍ର ଛାଡ଼ି ଏହାର ବୈଦେଶିକ ନୀତିରେ ବ୍ୟାପକ ପରିବର୍ତ୍ତନ ଆଣିବାକୁ ପଡ଼ିବ ।

Leave a Reply