ମହାପ୍ରଭୁଙ୍କ ଦୁର୍ଲ୍ଲଭ ନାଗାର୍ଜୁନ ବେଶ ସମ୍ପନ ; ନାଗାର୍ଜୁନ ବେଶରେ ଝଲସୁଛି ରତ୍ନ ସିଂହାସନ

ପୁରୀ, (ଓଡିଶା ଟାଇମ୍) : ବହୁ ପ୍ରତିକ୍ଷିତ ତଥା ବହୁ ଦୁର୍ଲଭ ଚତୁର୍ଦ୍ଧା ମୂର୍ତ୍ତିଙ୍କର ନାଗାର୍ଜୁନ ବେଶ ଦୀର୍ଘ ଅଢେଇ ଘଣ୍ଟା ପରେ ଶେଷ ହୋଇଛି। ସକାଳ ୭ଟାରୁ ଆରମ୍ଭ ହୋଇ ସକାଳ ସାଢ଼େ ୯ଟାରେ ପ୍ରଭୁଙ୍କ ଏହି ବେଶ ଶେଷ ହୋଇଥିବା ପୁରୀ ଜିଲ୍ଲାପାଳ ବଲଓ୍ୱନ୍ତ ସିଂ ସୂଚନା ଦେଇଛନ୍ତି।

ମହାପ୍ରଭୁଙ୍କ ନାଗାର୍ଜୁନ ବେଶରେ ଝଲସୁଛି ରତ୍ନ ସିଂହାସନ। ଦୁର୍ଲ୍ଲଭ ବେଶରେ ଜଗାବଳିଆ ସଜ୍ଜିତ ହୋଇଛନ୍ତି। ମହାପ୍ରଭୁ ଜଗନ୍ନାଥ ଓ ବଳଭଦ୍ର ସଜେଇ ହୋଇଛନ୍ତି ବୀର ବେଶରେ। ୧୬ ପ୍ରକାରର ପାରମ୍ପରିକ ଯୁଦ୍ଧାସ୍ତ୍ରରେ ସଜ୍ଜିତ ମଉଡ଼ମଣୀ। ଦୁଇ ଠାକୁରଙ୍କ ମସ୍ତକରେ ଶୋଭିତ ହେଉଛି ହାଣ୍ଡିଆ। ଢେଣୁ, ଶିଙ୍ଗା, ତୁଣୀର, ବାଘନଖ ଓ ଖଣ୍ଡା ଆଦି ମହାପ୍ରଭୁ ଧାରଣ କରିଛନ୍ତି। ସେବାୟତଙ୍କ ସଂଖ୍ୟା ଓ ସୁନା ମଣତି ନେଇ ବିଳମ୍ବ ହୋଇଥିଲା ମହାପ୍ରଭୁଙ୍କ ବେଶ। ଆଲୋଚନା ପରେ ସାମାନ୍ୟ ବିଳମ୍ବରେ ଶେଷ ହୋଇଛି ମହାପ୍ରଭୁଙ୍କ ବେଶ। ସହଯୋଗ ପାଇଁ ସମସ୍ତଙ୍କୁ ହୃଦୟରୁ ଜିଲ୍ଲାପାଳ କୃତଜ୍ଞତା ଜଣାଇଛନ୍ତି।

ମାତ୍ର ଚଳିତ ବର୍ଷ ଏହି ଦୁର୍ଲ୍ଲଭ ବେଶ ଦର୍ଶନରୁ ଭକ୍ତ ବଞ୍ଚିତ ହୋଇଛନ୍ତି । କରୋନା କଟକଣା ଯୋଗୁଁ ଭକ୍ତଙ୍କୁ ଦର୍ଶନ ପାଇଁ ବାରଣ କରାଯାଇଛି। ଶ୍ରଦ୍ଧାଳୁଙ୍କ ଆଖିରେ ଭରି ଯାଇଛି ଅଶ୍ରୁ। କେବଳ ହୃଦୟରୁ ମହାପ୍ରଭୁଙ୍କୁ ଦର୍ଶନ କରିବା ସହ ସମସ୍ତ ଦୁଃଖ ଦୂର ପାଇଁ ସଭିଏଁ କାମନା କରୁଛନ୍ତି।

Leave a Reply

Your email address will not be published.