ପୂର୍ବତନ ଜିଲ୍ଲାପାଳଙ୍କ ଘରୁ ନାବାଳିକା ଉଦ୍ଧାର

ଭୁବନେଶ୍ବର, (ଓଡିଶା ଟାଇମ୍): ଭୁବନେଶ୍ୱରରେ ଚାଂଚଲ୍ୟ। ପୂର୍ବତନ ଜିଲ୍ଲାପାଳଙ୍କ ଘରୁ ନାବାଳିକା ଉଦ୍ଧାର ହୋଇଛି। ଭୁବନେଶ୍ୱର ଆଇଆରସି ଭିଲେଜ ଅଞ୍ଚଳରେ ଜଣେ ଅବସରପ୍ରାପ୍ତ ଜିଲ୍ଲାପାଳଙ୍କ ଘରୁ ଜଣେ ୧୨ ବର୍ଷର ନାବାଳିକା ଶିଶୁ ଶ୍ରମିକକୁ ଉଦ୍ଧାର କରିଛି ଚାଇଲ୍ଡ ଲାଇନ୍। ପୋଲିସ ସହାୟତାରେ ନାବାଳିକାକୁ ଉଦ୍ଧାର କରାଯାଇଛି। ଘରୋଇ କାମ ପାଇଁ ଛୋଟ ଝିଅଟିକୁ ବ୍ରହ୍ମପୁରର ଏକ ଗାଁରୁ ଗତବର୍ଷ ନଭେମ୍ବର ମାସରେ ସେ ଆଣିଥିବା ସୂଚନା ମିଳିଛି। ନାବାଳିକାର ବାପା ରିକ୍ସା ଚାଳକ ଏବଂ ମା ଘରୋଇ ସହାୟିକା ଭାବେ କାମ କରନ୍ତି। ଅବସରପ୍ରାପ୍ତ ଜିଲ୍ଲାପାଳଙ୍କ ପୁଅ ହାଇଦ୍ରାବାଦରେ ଏକ ଆଇନ୍ ବିଶ୍ୱବିଦ୍ୟାଳୟରେ କାର୍ଯ୍ୟରତ ଅଛନ୍ତି। ଆଉ ଝିଅ ଆଇଆରସି ଭିଲେଜରେ ଏକ ଇଂଲିଶ ମିଡିୟମ୍ ସ୍କୁଲ ଚଲାଇଥାନ୍ତି।

ଏତେ ସମ୍ଭ୍ରାନ୍ତ ପରିବାରର ହୋଇ କିଭଳି ଏକ ନାବାଳିକାକୁ ଘରୋଇ କାମରେ ବ୍ୟବହାର କରୁଥିଲେ, ତାକୁ ନେଇ ପ୍ରଶ୍ନ ଉଠିଛି। ତେବେ ଏହି ଅଭିଯୋଗକୁ ଅବସରପ୍ରାପ୍ତ ଜିଲ୍ଲାପାଳଙ୍କ ବୋହୂ ଖଣ୍ଡନ କରିଛନ୍ତି। ପିଲାଟିକୁ ପାଠ ପଢାଇବା ପାଇଁ ଆମେ ଘରେ ରଖିଥିଲୁ ବୋଲି ସେ କହିଛନ୍ତି।

 

Leave a Reply

Your email address will not be published. Required fields are marked *