ମୁହଁରେ ଚମକ ଆଣି ଦେଇଥାଏ ପୁଦିନା ପତ୍ର
ଭୁବନେଶ୍ୱର, (ଓଡିଶା ଟାଇମ୍): ପୁଦିନା ପତ୍ରରେ ଔଷଧୀୟ ଗୁଣ ଭରି ରହିଛି । କେହି କେହି ଚା’ରେ ପକାଇ ପିଉଥିବା ବେଳେ ଆଉ କେହିକେହି ଖାଦ୍ୟ ରୂପେ ମଧ୍ୟ ଗ୍ରହଣ କରିଥାନ୍ତି । ଏଥିସହିତ ଏହା ସୌଦର୍ଯ୍ୟ ବୃଦ୍ଧିରେ ମଧ୍ୟ ଲାଗିଥାଏ ।
ପ୍ରଦୂଷଣ ତଥା ଖାଇବା ପିଇବାରେ ଅବହେଳା ଯୋଗୁଁ ବେଳେ ମୁହଁରେ ବ୍ରଣ ଉଠିବା ସହ କଳା ଦାଗ ଭଳି ସମସ୍ୟା ଦେଖିବାକୁ ମିଳିଥାଏ । ଜାଣନ୍ତୁ, ସୌନ୍ଦର୍ଯ୍ୟ ବୃଦ୍ଧିରେ ପୁଦିନାକୁ କିପରି ବ୍ୟବହାର କରିବା …
ପୁଦିନା ସ୍ୱାସ୍ଥ୍ୟ ପାଇଁ ଖୁବ୍ ଉପଯୋଗୀ ହୋଇଥିବା ବେଳେ ଏହା ହଜମ ପ୍ରକ୍ରିୟାକୁ ଠିକ୍ ରଖିଥାଏ । ଖାଦ୍ୟ ଖାଇ ସାରିବା ପରେ ୧ରୁ ୨ଟି ପୁଦିନା ପତ୍ର ଚୋବାଇ ଖାଆନ୍ତୁ । ଏପରି କରିବା ଦ୍ୱାରା ଖାଦ୍ୟ ହଜମ ହୋଇଥାଏ ।
ଥଣ୍ଡା, ସଦ୍ଦ୍ିର୍ ଓ ଆଜମା ରୋଗୀଙ୍କ ପାଇଁ ଏହା ବହୁତ ଲାଭ ଦାୟକ ହୋଇଥାଏ ।
ମୁଖ ଦୁର୍ଗଦ୍ଧରୁ ମଧ୍ୟ ଉପଶମ ଦେଇଥାଏ ପୁଦିନା । ନିୟମିତ ଭାବେ ୪ରୁ ୫ଟି ପୁଦିନା ପତ୍ର ଚୋବାଇ ଖାଇବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳିଥାଏ ।
ଏହାକୁ ସେବନ କରିବା ଦ୍ୱାରା ମୁହଁର କାଳା ଦାଗ ଓ ବ୍ରଣ ଭଳି ସମସ୍ୟା ମଧ୍ୟ ଦୂର ହୋଇଥାଏ ।
ଏହାଛଡା ପୁଦିନା ଏକ ନେଚୁରାଲ ଟୋନର ଭାବେ ମଧ୍ୟ କାମ କରିଥାଏ । ଆପଣ ଚାହିଁଲେ ଏହାର ପତ୍ରରେ କିଛଇ ଗୋଲାପ ଜଳ ଓ ବେସନ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ପରେ ଏହାକୁ ମୁହଁରେ ଲଗାଇ ଶୁଖିବା ପାଇଁ ଛାଡିଦିଅନ୍ତୁ । ଏହି ପେଷ୍ଟ ଶୁଖି ଗଲାପରେ ଭଲଭାବେ ଧୋଇ ମୁହଁରୁ ଛଡାଇ ଦିଅନ୍ତୁ ।
ପୁଦିନା ପେଟ ପାଇଁ ଲାଭଦାୟକ ହୋଇଥାଏ । ଖରାଦିନେ ଶରୀରକୁ ଥଣ୍ଡା ରଖିବା ଲାଗି ମଧ୍ୟ ପୁଦିନାର ବ୍ୟବହାର ହୋଇଥାଏ । ଖାସ କରି ଏହି ଦିନରେ ପୁଦିନାକୁ ପାଣି, ଲେମ୍ବୁ ପାଣି କିମ୍ବା ଦହି ପାଣିରେ ମିଶାଇ ପିଇଲେ ଖୁବ୍ ଆରାମ ମିଳିଥାଏ ।