ଆଜିଠୁ ୫୦% ଦର୍ଶକଙ୍କୁ ନେଇ ଖୋଲିବ ସିନେମା ହଲ୍

ଭୁବନେଶ୍ବର, (ଓଡିଶା ଟାଇମ୍) :ଆଜିଠୁ ୫୦ ପ୍ରତିଶତ ଦର୍ଶକଙ୍କୁ ନେଇ ଖୋଲିବ ସିନେମା ହଲ୍ । ତେଣୁ ସିନେମା ହଲ୍ ଖୋଲିବାକୁ ସଜବାଜ ହେଉଛନ୍ତି ହଲ୍ ମାଲିକ । ହଲ୍ ଗୁଡିକୁ ସାନିଟାଇଜ୍ କରାଯାଇଛି । ଯେଉଁମାନେ ସିନେମା ଦେଖିବାକୁ ହଲ୍ କୁ ଯିବେ ସେମାନେ ଟିକେଟ୍ କାଉଣ୍ଟରେ ଫୋନ୍ ନମ୍ବର ଦେଲେ ସେହି ନମ୍ବରକୁ ସିନେମା ଟିକେଟ୍ ଆସିବ ।

ଦର୍ଶକମାନେ ହଲ୍ ଏଣ୍ଟ୍ରି କରିବା ପୂର୍ବରୁ ଥର୍ମାଲ ସ୍କାନିଂ ସହ ମାସ୍କ ସାନିଟାଇସେନ୍ ଗ୍ଲୋବସ୍ ପିନ୍ଧିବା ବାଧ୍ୟତାମୂଳକ କରାଯାଇଛି । ମୋଟ୍ ୫୦ ପ୍ରତିଶତ ହିସାବରେ ପ୍ରତ୍ୟେକ ସିଟ୍ ରୁ ଗୋଟିଏ ଲେଖାଁଏ ସିଟ୍ ଛାଡି ଦର୍ଶକମାନେ ସିନେମା ହଲରେ ବସିପାରିବେ । ତେବେ ହଲ୍ ଖୋଲୁଥିବାରୁ ରାଜଧାନୀବାସୀଙ୍କ ମନରେ ବେଶ୍ ଉତ୍ସାହ ଦେଖିବାକୁ ମିଳୁଛି ।ସେହିପରି ଗତକାଲିଠୁ ଟ୍ବିନିସିଟିର ହୋଟେଲ ରେଷ୍ଟୁରାଣ୍ଟ ଓ କ୍ଲବରେ ବାର୍ ଏବଂ ବିୟର ପାର୍ଲର ଖୋଲିସାରିଛି । ତେବେ ସବୁଠି କୋଭିଡ୍ ନିୟମ ପାଳନକୁ କଡାକଡି କରାଯାଇଛି ।

Leave a Reply